PassCOVID.gal é unha App da Xunta de Galicia para axudar a coidarnos da COVID-19
Consulta o teu certificado de vacinación e infórmate das restricións, recomendacións e novidades.
Recibe avisos se estiveches nun establecemento de risco por concentración de contaxios.
Se fuches diagnosticado/a da COVID-19, comunica os teus contactos estreitos, os lugares onde estiveches e consulta o teu código de Radar COVID.
COVID ao día!
Consulta o estado actualizado das restricións existentes no teu concello.
Mantente informado/a
Recibe avisos importantes de xeito inmediato, consulta as recomendacións e infórmate sobre a situación actual da pandemia en Galicia.
Estado COVID
Se accedes co teu usuario de Chave365 recibirás información sobre si fuches identificado/a como contacto estreito ou diagnosticado da COVID-19. Neste caso, poderás informar a través da App dos teus contactos estreitos ao Servizo Galego de Saúde. Tamén poderás consultar o teu código da App Radar COVID.
Certificado de vacinación
Poderás consultar e descargar o teu certificado de vacinación fronte á COVID-19. Para iso deberás identificarche con Chave365 e consentir previamente o acceso a túa historia clínica. Se non o fixeches contacta co teu centro de saúde para dar a autorización. Tamén poderás acceder aos datos do teu certificado capturando coa cámara o QR.
Establecementos de risco
Captura os QRs dos locais onde esteas. A información estará só no teu móbil, e a App avisarache se detecta que algún deles se convirte nun establecemento de risco por concentración de contaxios. Se fuches diagnosticado/a da COVID-19 e te identificas con Chave365, tamén poderás axudar enviando ao SERGAS a listaxe de establecementos nos que estiveches.
Que é Chave365?
Para dispoñer de información personalizada deberás identificarte con Chave365. Chave365 é un sistema de identificación e sinatura electrónica, baseado no uso de claves concertadas, que permite a utilización dos servizos ofrecidos pola Xunta de Galicia. Para utilizar Chave365 debes darte de alta. Tes máis información na sede electrónica da Xunta de Galicia.
